Գրքի երևանյան միջազգային փառատոն

Գրքի երևանյան միջազգային փառատոնը Հայաստանի գլխավոր գրական իրադարձությունն է:

Այն իրականացվում է 2017 թվականից:

3 օր, 40․000 այցելու, 20․000 վաճառված գիրք, գրական մրցույթների 500 հայտ, 250 գրող և միջազգային հյուր, 15 երկրի ներգրավվածություն, տոնավաճառի 50 մասնակից, 50 միջոցառում, 5 հայ ժամանակակից գրողի թարգմանություն, 2 օտարերկրյա գրողի թարգմանություն, 75% աճ յուրաքանչյուր տարի

Փառատոնի հիմնական բաղադրիչներն են՝

• Հայաստանի ամենամեծ գրքի ցուցահանդես-տոնավաճառը (պարտադիր զեղչերով)

• միջոցառումները՝ շնորհանդեսներ, բացառիկ հանդիպումներ հայ և արտասահմանյան գրողների հետ, քննարկումներ, վարպետության դասեր, թատերական ներկայացումներ, ստենդափ, երաժշտություն

• ֆելոուշիփը՝ նոր համագործակցությունների, գաղափարների և գրական կապերի ստեղծման և հայկական գրականության արտահանման նպատակով անցկացվող հրատարակչական համագործակցության միջազգային ծրագիրը

• Գրական մրցույթը ՀՀ քաղաքացիների համար 4 անվանակարգում․ Պոեզիա, Արձակ, Դրամատուրգիա, Մանկապատանեկան գրականություն​

• ​Սարոյանի անվան կարճ պատմվածքի մրցույթը աշխարհի բոլոր երկրների քաղաքացիների համար

• Արևմտահայերեն արձակի մրցույթը աշխարհի բոլոր երկրների քաղաքացիների համար

​

2025 թվականից Փառատոնը ընդլայնել է իր աշխարհագրությունը՝ դուրս գալով մայրաքաղաքի սահմաններից և այցելելով Հայաստանի մարզեր։ Այն արդեն հյուրընկալվել է Գյումրիում և Կապանում՝ ստեղծելով նոր մշակութային շունչ և հանդիպման հարթակ տեղի համայնքների համար։

​

Բոլոր միջոցառումների մուտքն ազատ է։